चैत ४, धरान । वान्तावा रुङमाहाङ राई वात्तोङ समितिले पूर्णता पाएको छ । संस्थाको ७औं राष्ट्रिय सम्मेलनबाट नविन वान्तावाको अध्यक्षतामा १५ सदस्यीय केन्द्रीय समिति निर्विरोध निर्वाचित भए पनि अन्य पदाधिकारी भने निर्धारण भएको थिएन ।
फागुन ४ गते सोमबार केन्द्रीय कार्यलय धरानमा बसेको पहिलो बैठकले भिम कुमार वान्तावालाई वरिष्ठ उपाध्यक्षमा चयन गरेको छ । यसका साथै उपाध्यक्षमा जग बहादुर वान्तावा, महासचिव विवस वान्तावा, सचिव जीवन कुमार वान्तावा र कोषाध्यक्षमा मुगा वान्तावा चयन भए । अन्य सदस्यहरुमा भगलमान वान्तावा, दुर्गा कुमारी वान्तावा, चेदरमान वान्तावा, बनिला वान्तावा, विलियम वान्तावा, कुमार विक्रम वान्तावा, रमेश वान्तावा, शिव कुमार वान्तावा र गिरिराज वान्तावा रहेका छन् ।
भेलाले संस्थापक अध्यक्ष वंशरत्न प्रेम कुमार वान्तावालाई वंशावली टोपी लगाएर सम्मान गरेको थियो । भेलाबाट वंशावली किताबमा भएको त्रुटिहरुलाई सञ्चाउदै छुटेका वंशहरुलाई समेटेर चाडै अर्को संस्करण निकाल्ने निर्णय भएको केन्द्रीय सदस्य गिरिराज वान्तावाले जानकारी दिए । यसका साथै उनले भित्ते पात्रो प्रकाशनको तयारी सुरु गरिसकेको बताए ।
सम्मेलन चैत १ देखि ३ गते सम्म ऐतिहासिक व्यक्ति नारदमुनी थुलुङको जन्म ठाउँ उदयपुर जिल्लाको चौदण्डिगडी नगरपालिका ४ बसाहामा आयोजना भएको थियो ।
