माङसेबुङ । इलामको माङसेबुङमा ५ दिने आधारभूत उद्घोषण तालिम सुरु भएको छ । पालिकास्तरीय महिला समन्वय समितिको आयोजनामा र माङसेबुङ गाउँपालिकाको आर्थिक सहयोगमा जेठ २२ गते बिहीवारदेखि सुरु भएको तालिम २६ गते सोमवार सम्पन्न हुनेछ ।
माङसेबुङ १ वडा कार्यलयको सभाहलमा सञ्चालित महिला लक्षित कार्यक्रम अन्तर्गतको तालिमको उद्घाटन समारोह समितिका अध्यक्ष राम माया लिम्बूको अध्यक्षतामा भएको थियो । कार्यक्रमका प्रमुख अतिथि कार्यपालिका सदस्य डिक माया ल्वागुनले यस्ता महिलाहरुको क्षमता अभिवृद्धि कार्यक्रमले महिलाहरुमा आत्मा विश्वास बढ्ने हुँदा महिलामुखी कार्यक्रमहरु अझै धेरै ल्याउनु पर्नेमा जोड दिए ।
कार्यक्रममा माङसेबुङ १ का सामाजिक परिचालिका कमला बुढाथोकी, गजुरमूखी स्वास्थ्य चौकीका अनमि निशा अधिकारी, सहजकर्ता देशराज नेम्बाङ, राजनैतिक दलहरुका तर्फबाट डबलसिंह योङहाङ लगायतले शुभकामना मन्तव्य राखेका थिए ।
कार्यक्रममा माङसेबुङ १ वडा महिला सदस्य सिर्जना मग्राती, वडा प्राविधिक दिपक चौधरी, गजुरमूखी प्रहरी चौकी इन्चार्ज घन श्यामयादव, सहजकर्ता सजन राई, विभिन्न राजनैतिक दलका प्रतिनिधि, सुरक्षाकर्मी लगायत प्रशिक्षार्थीहरुको उपस्थिति रहेको थियो ।
माङसेबुङ १ भित्रका प्रत्येक साबिक वडाहरुबाट २ जनाको सहभागिता रहेको तालिमको पहिलो दिन २० जना प्रशिक्षार्थीहरुको सहभागिता रहेको थियो ।
