दमक । झापाको दमक नगरपालिका वडा नम्बर ८ मा रहेको राष्ट्रिय बहुमुखी सहकारी संस्थाको सञ्चालक समितिको अध्यक्षमा पुनःलछुदास राई (एलडी ) निर्वाचित भएका छन् । संस्थाको २६औं साधारणसभाबाट राईको अध्यक्षतामा नौं सदस्यीय सञ्चालक समिति निर्विरोध निर्वाचित भएका हुन् ।
आगामी चारवर्षे कार्यकालका लागि निर्वाचित समितिको उपाध्यक्षमा टंकप्रसाद दुलाल, सचिवमा दिपेनवाला राई, सहसचिवमा फूलसरी राना र कोषाध्यक्षमा पारषमणि राई निर्वाचित भएका छन् ।
यसरी नै सदस्यहरुमा क्रमसः विष्णु सुब्बा, बासुदेव राई, राजेन्द्र लिम्बू र यमुना भट्टराई निर्वाचित भए । लेखा सुपरीवेक्षण समितिमा इन्द्रमान चाम्लिङको संयोजकत्वमा ज्ञानदिप राई र मनप्रसाद चेम्जोङ गरेर तीन सदस्य रहेका छन् ।
नवनिर्वाचित सञ्चालक तथा लेखा समितिका पदाधिकारी र सदस्यहरुलाई निर्वाचन समितिका संयोजक पारष आचार्यले सपथग्रहण गराएका थिए ।
साधारणसभा नवनिर्वाचित अध्यक्ष राई सहित प्रमुख अतिथि संस्थाका पूर्व उपाध्यक्ष समेत रहेका ज्येष्ठ शेयर सदस्य लोकप्रसाद कन्दङवा, संस्थाका सल्लाहकार क्याप्टेन विवी राई लगायतले मन्तव्य राखेका थिए ।
