विश्वकप फुटबल २०१८ मा समूह ई अन्तर्गतको समूह चरणको अन्तिम खेलमा सर्बियाविरुद्ध ब्राजिल एक–शून्य गोलले अगाडि रहेको छ ।
पहिलो हाफसम्म ब्राजिल ३६ औँ मिनेटमा पाउलिन्होले गरेको गोलले नै अग्रता बनाइरहेको छ ।
त्यस्तै यसै समूहको अर्को खेलमा स्विट्जरल्याण्ड कोस्टारिकासँगको खेलमा एक–शून्यले नै अगाडि रहेको छ । यदि अन्तिम अवस्थासम्म यही नतिजा हुने हो भने ब्राजिल ७ अंकसहित समूहविजेता बन्दै अर्को चरणमा जानेछ ।
त्यस्तै स्विट्जरल्याण्ड भने ७ अंक नै भए पनि गोल अन्तरका आधारमा समूहको उपविजेता बन्दै अर्को चरणमा पुग्नेछ । कोस्टारिका र सर्बिया भने बाहिरिनेछन् ।
