adv
adv

रक्तस्राव रोक्ने नयाँ आमाहरूको लागी औषधि

नवजात शिशुहरूको जन्म हुनुअघि महिला हरूको रक्तस्राव रोक्न दिइने नयाँ औषधिले हजारौँ महिलाको ज्यान बचाउन सक्ने विश्व स्वास्थ्य संगठनले जनाएको छ ।विश्व स्वास्थ्य संगठनका अनुसार बच्चा जन्माउने बेला हुने अत्यधिक रक्तस्रावका कारण ले विश्वभर हरेक वर्ष ७०,००० महिलाको ज्यान जाने गर्दछ।धेरै रक्तस्रावका कारण नवजात शिशुहरूलाई समेत निकै जोखिम हुने गर्दछ।

धेरै देशहरूमा महिलाहरूलाई शिशु जन्माउने बेला हुन सक्ने रक्तस्राव रोक्न अक्सिटोसिन नामक औषधिको इन्जेक्सन दिइने गरिन्छ।तर विश्व स्वास्थ्य संगठनको भनाइमा त्यो औषधिले गर्मी र उष्ण हावापानी भएका स्थानहरूमा राम्रो काम गर्दैन।न्यू इङ्गल्याण्ड जर्नल अफ मेडिसिनमा प्रकाशित अध्ययनको निष्कर्ष अनुसार हिटस्टेबल कार्बेटोसिन नाम गरेको औषधिले चाहिँ हरेक परिवेसमा राम्रो काम गर्दछ।त्यो अध्ययनका अनुसार नयाँ औषधिले महिलाहरूको रक्तस्राव कम गर्न मद्दत गर्दछ।विज्ञहरूले नयाँ औषधि २ देखि ८ डिग्री सेल्सियस तापक्रममा भण्डार गर्नु पर्ने बताएका छन्।तर उनीहरूको चिन्ता छ रेफ्रिजेरेटर नहुने र विद्युत आपूर्ति भरपर्दाे नहुने हाम्रो जस्तो बिकास उन्मख देशका लागी भने नयाँ औषधि पुर्‍याउन सहज नहुन सक्छ। ऐजेन्सी

Advertise Expired !

Leave a Reply

Your email address will not be published. Required fields are marked *

सम्बन्धित शीर्षकहरु