बलिउड अभिनेत्री आलिया भट्टले सञ्जय लीला भंसालीसँग काम नगर्ने भएकी छिन् । भंसालीले आफ्नो पिरियड ड्रामा चलचित्रमा आलियालाई कास्ट गर्न खोजेका थिए, तर अब कुरा नमिल्ने देखिएको छ ।
यस चलचित्रमा भंसालीले अब आलियाको ठाउँमा दीपिका पादुकोणलाई साइन गराएको चर्चा बलिउडमा छ । भंसालीसँग यसअघि दीपिकाले ‘गोलियोंकी रासलीला रामलीला’, ‘बाजिराव मस्तानी’ र ‘पद्मावत’ चलचित्रमा काम गरिसकेकी छन् ।
आलियाले भंसालीसँग काम नगर्नुको कारण भने करण जौहर हुन् । उनी करणको चलचित्र ‘कलंक’ मा पनि काम गर्दैछिन् । आलिया भंसालीसँग काम गर्न चाहन्थिन् तर, त्यही समयमा करणले आफ्नो चलचित्रको घोषणा गरेका थिए ।
अब फ्यानलाई आलिया र भंसालीको चलचित्रका लागि लामो समय प्रतिक्षा गर्नुपर्ने भएको छ । भंसालीले यसअघि पनि आलियालाई चलचित्र ‘हमारी जान हो तुम’ मा अफर गरेका थिए, जहाँ उनको भूमिका बाल दुलही थियो तर, त्यो चलचित्र भने बनेन ।
