‘एजली सिने सर्कल अवार्ड’ र ‘सुर्य इन्टरनेशनल अवार्ड’ गरी आइतवार दुई नेपाली फिल्म अवार्ड सम्पन्न भएका छन् । ‘एजली सिने सर्कल अवार्ड’ काठमाडौंमा सम्पन्न भयो भने ‘सुर्य इन्टरनेशनल अवार्ड’ जापानको टोकियोमा सु-सम्पन्न भएको छ ।
एलजी अवार्ड अन्तर्गत चलचित्र ‘तिमीसँग’ बाट नाजिर हुसेन र चलचित्र ‘पञ्चायत’ बाट नीता ढुंगानालाई उत्कृष्ट अभिनेता-अभिनेत्री घोषित गरियो । त्यस्तै, सुर्य अवार्ड अन्तर्गत चलचित्र ‘म यस्तो गीत गाउँछु’ बाट अभिनेता पल शाह र अभिनेत्री पूजा शर्मा उत्कृष्ट घोषित भए ।
‘सुर्य अवार्ड’ लाई १२ विधा र मास पपुलर ४ विधामा बाँडिएको थियो । दर्शकले गरेको भोटलाई आधार बनाएर पल र पूजालाई उत्कृष्ट अभिनेता-अभिनेत्रीको अवार्ड प्रदान गरिएको हो । ‘म यस्तो गीत गाउँछु’ चलचित्र नै उत्कृष्ट घोषित हुँदै सुदर्शन थापालाई उत्कृष्ट निर्देशकको अवार्डको भागेदारी बानाइयो ।
सह-अभिनेतातर्फ चलचित्र ‘ऐश्वर्य’ बाट प्रशान्त ताम्राकार र सह-अभिनेत्रीतर्फ ‘छक्का पञ्जा २’ बाट बर्षा राउतले प्राप्त गरे । मास पपुलर अवार्डको लागि ‘कृ’ बाट अभिनेता अनमोल केसीलाई थमाइयो भने चलचित्र ‘ए मेरो हजुर २’ बाट अभिनेत्री साम्राज्ञी राज्यलक्ष्मी शाहको हातमा पर्न सफल भयो ।
‘जो गयो जापान, उसैले पायो अवार्ड’ भने जस्तै देखिएको सुर्य अवार्ड अन्तर्गत चलचित्र ‘शत्रुगते’ बाट प्रदिप भट्टराईले उत्कृष्ट निर्देशकको अवार्ड हात पारे भने उत्कृष्ट चलचित्र ‘छक्का पञ्जा २’ घोषित हुँदै अवार्ड पनि यही चलकित्रको पोल्टामा पर्यो । उक्त अवार्ड समारोहबाट बरिष्ठ हाँस्य अभिनेत्री बसुन्धरा भुषालले भने लाइफटाईम अचिभमेन्ट अवार्ड हात पार्न सफल भईन् ।
यता, अभिनेता भुवन केसीले सुर्य कलाकरिता सम्मान प्राप्त गरे भने, सामिप्यराज तिमल्सिनाले ‘सुर्य चलचित्र पत्रकारिता’ र श्रीधर पौडेलले ‘फोटो पत्रकारिता पुरस्कार’ बाट पुरस्कार र सम्मान पाएका थिए । पुरस्कृत पौडेललाई नगद रु. १५ हजार प्रदान गरियो ।
त्यस्तै, अरु गाएनतर्फ कस-कसले जिते अवार्ड हेर्नुहोस्:-
१. पपतर्फ – गायक कमल खत्री र गायिका ईन्दिरा जोशी
२. लोकतर्फ – गायक रामजी खाँड र गायिका सम्झना मगर
३. आधुनिक गायनतर्फ – गायक राजेश पायल राई र गायिका मेलिना राई
एलजी अवार्डमा प्रदान गरिएको ५ विधाको अवार्डको अहिले चर्को आलोचना भइरहेको छ । स्क्रिनप्ले, बेस्ट कपल, पपुलर एक्टर (फिमेल), बेस्ट एक्टर (मेल) र बेस्ट चलचित्र विधामा दिइएको अवार्ड प्रती विवादास्पद उठेको छ । ‘ राम्रोलाई भन्दा हाम्रोलाई दिने’ प्रवृति मौलाएको देखिएपछी अवार्डप्रति आलोचना भएको हो । अवार्ड भनेको उत्कृष्ट मध्येबाट उत्कृष्टलाई प्रदान गरिनु पर्ने हो तर नेपाली अवार्डमा यो देखिन छोडेको छ ।
