चलचित्र ‘अनुराग’ को ‘तिम्रो स्वरमा स्वर मिलाई’ बोलको गीतको भिडियो सार्वजनिक गरिएको छ । भिडियोमा चलचित्रका मुख्य कलाकार समुन्द्र पण्डितको कन्सर्टलाई देखाइएको छ । समुन्द्रलाई चलचित्रमा सांगीतिक क्षेत्रमा लागेको एक कलाकारको भूमिकामा देखाइएको छ ।
चलचित्रमा अभिनेता समुन्द्रको साथमा अभिनेत्री एलिजा गौतम मुख्य भूमिकामा देखिएकी छन् । सार्वजनिक ‘तिम्रो स्वरमा’ बोलको गीतमा प्रताप दासको स्वर दिएका छन् । त्यस्तै, सरोज पोखरेलले संगीत भरेका छन् भने, सत्यराज एसआरसीको शब्द रहेको छ ।
पत्रकार ऋषिराज धमलाको प्रस्तुतिमा यो चलचित्र तयार भएको हो । चलचित्रमा सांगीतिक प्रेम कथालाई उठान गरिएको छ । चलचित्रमा भरत गौतम र गीता भेटवालको लगानी रहेको छ । चलचित्रलाई सत्यराज चौलागाइले निर्देशन गरेका हुन् । टेकेन्द्र शाहको सम्पादन, विक्रम स्वाँर र प्रविण सिंहको कोरियोग्राफी रहेको चलचित्रमा रामकुमार केसीको छायांकन छ । यो चलचित्र असोज १२ गतेबाट रदर्शनमा आउँदैछ ।
भिडियो हेर्नुहोस्:
