असोज २९, काठमाडौं । साबिक उपविजेता समेत रहेको नेपालले महिला साफ च्याम्पिनसिप खेल्ने राष्ट्रिय टिमको घोषणा गरेको छ ।
मुख्य प्रशिक्षक राजेन्द्र तामाङले २३ सदस्यीय महिला फुटबल टिमको घोषणा गरेका हुन् ।
कप्तान तथा गोल किपर एञ्जिला तुम्बाहाम्फे सहित फरवार्डमा सावित्रा भण्डारी, रेखा पौडेल, अनिता केसी र रश्मी कुमारी घिसिङरहेका छन् ।
त्यसैगरी मिडफिल्डमा रेनुका नगरकोटी, प्रिति राई, सरु लिम्बू, दिपा शाही, सबिता राना मगर, अनिता बस्नेत, अमिशा कार्की र बिमला चौधरी रहेका छन् ।
डिफेन्समा गिता राना, अमृता जैशी, समिक्षा घिमिरे, निशा थोकर, पुजा राना, बिमला बिक, हिरा कुमारी भुजेल र सजनी थोकर छन् ।
गोलकिपरमा कप्तान एञ्जिलासँगै अन्जना राना मगर र उषा नाथ छन् ।
नेपालको आयोजनामा महिला साफ च्याम्पियनसिप कात्तिक १ गते बिहीवार देखि काठमाडौंमा सुरु हुदैछ । नेपालले शनिबार भुटानसँग खेल्दै प्रतियोगिताको सुरुवात गर्नेछ ।
समूह (बी) मा रहेको नेपालले भुटान सहित माल्दिभ्स र श्रीलंकासँग खेल्नेछ । नेपाल महिला साफको उपविजेता हो भने बंगलादेशडिफेन्डिङ च्याम्पियन हो ।
