कात्तिक ११, काठमाडौं । सिजनको पहिलो एल क्लासिको अन्तर्गर बार्सिलोनाले सानदार जित हात पारेको छ । रियल मड्रिडको घरेलुमैदान सान्टियागो वर्नाबेउमा भएको खेलमा ४–० गोलअन्तरको जित हात पार्दै बार्सिलोनाले स्पष्ट ६ अंकको अग्रता बनाएको हो । रियल भने लालिगाको पहिलो हारसँगै दोस्रो स्थानमा यथावत् रहेको छ ।
पहिलो हाफ गोलरहित बराबरीमा सकिएको प्रतिक्षारत खेलमा बार्सिलोनाले दोस्रो हाफमा चार गोल गरेको हो ।
दोस्रो हाफको ५४औं मिनेटमा रोबर्टो लेवान्डोस्कीले गोल गर्दै बार्सिलोनालाई अग्रता दिलाए । त्यसको दुई मिनेट नबित्दै लेवान्डोस्कीलेअग्रता दोब्बर पारे । खेलको ७७औं मिनेटमा लामिन यामलले गोल गरेपछि बार्सिलोनाले ३–० को अग्रता बनायो । कप्तान राफिन्हाले८४औं मिनेटमा गोल गरेपछि बार्सिलोनाले सानदार जित हात पारेको हो ।
यस सँगै ११ खेल पछि बार्सिलोनाको ३० अंक भएको छ भने समान खेल खेलेको रियलको २४ अंक छ ।
