पुष ६, दमक । झापाको दमकमा रहेको दमक नमुना ब्याडमिन्टन एकेडेमिको दोस्रो आन्तरिक ब्याडमिन्टन प्रतियोगिता हुने भएको छ । दमक ७ रतुवा खोला नजिकै नमुना बस्ती छेउमा रहेको दमक नमुना ब्याडमिन्टन एकेडेमिमा उक्त प्रतियोगिता हुने भएको हो ।
“आजीवन सदस्य तथा नियमित खेलाडीहरु बिच आन्तरिक प्रतियोगिता २०८१” नामक यो प्रतियोगिता २ दिन हुनेछ । पुष १२ र १३ गते सञ्चालन हुने प्रतियोगिताको विजेताहरुलाई पुरस्कार भने पुष १९ गते इलामको चपेटीमा वितरण गर्ने समितिले जानकारी दिए । उक्तदिन एकेडेमिले पहिलो साधारण सभा समेत गर्ने भएको छ ।
आपसि सद्भाव कायम रहनुका साथै भाइचारा बढ्ने हुदाँ यो प्रतियोगिता गर्न लागेको एकेडेमिका अध्यक्ष प्रकाश विराहाङ राईले बताए । उनका अनुसार कभर्ड हलको स्तरोन्नति गर्नु पर्ने भएकोले त्यस अगाडी नै प्रतियोगिता गरी केही दिनलाई हल बन्द हुनेछ ।
