चैत १९, फाकफोकथुम । प्रथम राम नवमी कप नक आउट फुटबल प्रतियोगिता२०८१ मा तुम्बेवा गाउँपालिका र मिक्लाजुङ गाउँपालिकाले विजयी सुरुवात गरेको छ ।
मंगलबार फाकफोकथुम ५ लुम्दे नवमी बजारको पोखरी खेल मैदान भएको पहिलो खेलमा फाल्गुनन्द गाउँपालिकालाई ३–१ गोल अन्तरले हराउदै तुम्बेवा दोस्रो चरण प्रवेश गरेको छ । त्यस्तै दोस्रो खेलको निर्धारित समयमा ४–४ गोलको बराबरी पछि खेल पेनाल्टि सुटआउटमा पुगेको थियो । पेनाल्टिमा मिक्लाजुङले आयोजक फाकफोकथुमलाई ४–३ गोल अन्तरले हरायो ।
दोस्रो दिनको पहिलो खेल युनिटि स्पोर्टिङ क्लब पथरी मोरङ र माङसेबुङ गाउँपालिका इलाम बिच हुनेछ भने दोस्रो खेल त्रिवेणी युवा विकास संस्था फाकफोकथुम र एपिओ इलाका प्रहरी कार्यलय रवि पाँचथर बिच हुनेछ ।
प्रतियोगिताको विजेताले नगद दुई लाख रुपैयाँ सहित ट्रफि प्राप्त गर्ने छन् भने उपविजेताले एक लाख रुपैयाँ सहित ट्रफि पाउनेछन् ।
व्यक्तिगत विधातर्फ भने म्यान अफ द म्याच सहित प्लेयर अफ द टुर्नामेन्ट, हाइ स्कोरर, उत्कृष्ट गोल किपर, उत्कृष्ट फरवार्ड, उत्कृष्ट डिफेन्सले आकर्षक पुरस्कार पाउेछन् ।
आयोजक समितिका अध्यक्ष प्रविण राईका अनुसार इन्ट्रि फि ५०० रुपैयाँ मात्र लिएको प्रतियोगितामा सहभागी टिमहरुलाई फेयर बापत५००० रुपैयाँ दिएको हो । उनी भन्छन्– हामीले उत्कृष्ट प्रतियोगिता साथै महोत्सव समेत राम्रो लगाएर सहयोगी दाताहरुको सम्मान गर्नु छ।
