माङसेबुङ । इलामको माङसेबुङ गाउँपालिकामा हुन गइरहेको प्रथम सुवास नेम्बाङ स्मृति कप खुल्ला नकआउट पुरुष फुटबल प्रतियोगिता २०८२ को टाइसिट सार्वजनिक भएको छ ।
राष्ट्रिय युवा संघ नेपाल माङसेबुङ समितिको आयोजनामा हुने प्रतियोगितामा जम्मा ८ वटा टिमको सहभागिता रहेको छ । उद्घाटन खेल माङसेबुङ खेलकुद विकास समिति र एमएफसि युथ चुलाचुली इलामबिच हुनेछ ।
माङसेबुङ–४ सिङफेरे स्थित जनता आविको खेलमैदानमा हुने प्रतियोगिता भदौ २४ देखि २७ गते सम्म सञ्चालन हुनेछ । प्रतियोगिताको विजेताले नगद एक लाख २० हजार सहित ट्रफि, मेडल र प्रमाणपत्र प्राप्त गर्ने छन् भने उपविजेताले नगद ६० हजार सहित ट्रफि, मेडल रप्रमाणपत्र पाउने छन् ।
व्यक्तिगत विधातर्फ भने म्यान अफ द म्याच सहित प्लेयर अफ द टुर्नामेन्ट, हाइ स्कोरर, उत्कृष्ट गोल किपर, उत्कृष्ट फरवार्ड, उत्कृष्ट डिफेन्सले आकर्षक पुरस्कार पाउेछन् ।
स्वास्थ्यको लागि खेलकुद, राष्ट्रका लागि खेलकुद भन्ने मुल नाराका साथ आयोजित प्रतियोगिताको सम्पूर्ण तयारी अन्तिम चरणमा पुगेको युवा संघ माङसेबुङ अध्यक्ष राज कुमार साम्बाले जानकारी दिए ।
