गजल

नदि पनि शान्त हुन्छ समथल पुगेपछी
जसरी पिँजडाको सुगा जङ्गल पुगेपछि

ए सरकार तब मात्र ठुला सपना देखाउनु
हर गरिबका झुपडिमा चामल पुगेपछि

श्रीमानको बिदेशको दुख सबै बिर्सिन्छन
प्रत्येक महिना श्रीमतीलाई पार्सल पुगेपछि

हिजो सँगै खाली खुट्टा हुर्किएको साथीले
सबै बिर्सिदियो खुट्टामा चप्पल पुगेपछि

टाउको छोएर पनि, झुठै बोल्यो भने यदि
लिएर आउ सत्य बोल्छ बोतल पुगेपछि

– पवन गौतम