adv
adv

प्रतिबन्ध फुकुवा गर्न ईयूले गरेको आग्रहलाई अमेरिकाले गरे ठाडै अस्वीकार

अमेरिकाले इरानमाथि आर्थिक प्रतिबन्ध लगाउन क्रममा युरोपियन कम्पनीहरुमाथि लगाएको प्रतिबन्ध फुकुवा गर्न युरोपियन युनियनले गरेको आग्रहलाई ठाडै अस्वीकार गरेको छ ।

युरोपियन मुलुकहरुलाई एक पत्र लेख्दै अमेरिकी विदेश मन्त्री माइक पोम्पेओले इरानमाथि अधिकतम दबाब सृजना गर्नकै लागि पनि ईयूको अपील स्वीकार्न नसकिने प्रष्ट गरेका हुन् ।

अमेरिकी राष्ट्रिय सुरक्षामा लाभ नमिल्दासम्म कुनै खालको छूट दिन नसकिने पत्रमा प्रष्ट गरिएको छ ।

वासिंगटनको नयाँ प्रतिबन्धका कारण अरबौं डलरको ब्यापार खतरामा पर्ने डरमा युरोपियन युनियन परेको छ ।

इरानी शासकमाथि अधिकतम आर्थिक दबाब दिनकै लागि प्रतिबन्ध लगाइएकाले कुनै खाले अपवाद लागु हुन नसक्ने पनि जनाइएको छ ।

सन् २०१५ मा गरिएको अन्तर्राष्ट्रिय रुपमा ईरानी आणविक हतियार कार्यक्रमबाट हात झिकेलगत्तै अमेरिकी राष्ट्रपति डोनाल्ड ट्रम्पले इरानमाथि अनेक खाले आर्थिक प्रतिबन्ध लगाएका छन् ।

यद्यपि, फ्रान्स, बेलायत र जर्मनी जस्ता अमेरिकी युरोपेली मित्र मुलुकले भने उक्त सम्झौतामा कायमै रहेको जनाएका छन् ।

-एजेन्सी

Advertise Expired !

Leave a Reply

Your email address will not be published. Required fields are marked *

सम्बन्धित शीर्षकहरु