adv
adv

अभिषेक र ऐश्वर्या बीचको झगडाको खबर परालको आगो झैँ फैलियो !

बलिउड फिल्म उद्योगमा अहिले अभिनेता अभिषेक बच्चन र ऐश्वर्या राय बच्चनबीचको झगडाको खबर परालको आगो झैँ फैलिरहेको छ ।

तर यस खबरलाई गलत भन्दै अभिनेता अभिषेक बच्चनले सबैको मुख बन्द गरिदिएका छन् । अभिषेक बच्चनले यस किसिमको झुठो खबर प्रकाशित गर्ने एक वेबसाइटलाई कडा जवाफ दिएका छन् ।

केही दिन अगाडि अभिषेक बच्चन र ऐश्वर्या रायको एक भिडियो सार्वजनिक भएको थियो । जसमा अभिषेक बच्चन उनकी पत्नी ऐश्वर्या राय र छोरी आराध्याका साथमा एयरपोर्टबाट निस्किरहेका थिए ।

भिडियोमा ऐश्वर्या छोरी आराध्याको हात समात्दै अगाडि बढिरहेकी देखिन्छिन् भने अभिषेक बच्चन उनीहरु भन्दा केही अगाडि हिँडिरहेका देखिन्छन् । त्यही भिडियो सार्वजनिक गर्दै त्यस वेबसाइटले अभिषेक र ऐश्वर्याबीच झगडा भएको भन्दै खबर सार्वजनिक गरेको थियो । साथमा ऐश्वर्याले अभिषेकलाई छोरी आराध्याको हात थाम्न नदिएको भन्दै किटानीका साथ खबर सार्वजनिक गरेको थियो ।

यस किसिमको खबरबाट अभिषेक बच्चनले सामाजिक सञ्जालमा उनको रिस पोखेका छन् । उनले लेखेका छन्, ‘म सम्मानका साथ भन्दैछु कि गलत कहानी बनाउनबाट बच्नुहोस् । म लगातार पोष्ट गर्नुपर्ने आवश्यकतालाई राम्रोसँग बुझ्दछु । तर यदि तपाईँ पूर्ण जिम्मेवारी र कसैलाई ठेस नपुर्‍याउने उद्देश्यका साथ यस्तो गर्नुहुन्छ भने मात्रै त्यो काम सराहनीय हुनेछ । धन्यवाद ।’

 

Abhishek Bachchan

@juniorbachchan

With due respect. Please refrain from making up false stories. I understand the need to continously post, but would really appreciate it if you could do so responsibly and without mischievous intent. Thank you.

वास्तवमा अभिषेक बच्चन श्रीमती ऐश्वर्या राय बच्चन र छोरी आराध्याका साथ लण्डनबाट फकिर्ने क्रममा एयरपोर्टमा मिडियाले भिडियो तथा तस्बिर लिएका थिए । त्यही भिडियो र तस्बिरका सार्वजनिक गर्दै अभिषेक बच्चन र ऐश्वर्या राय बच्चनबीच झगडा भएको कुरा भारतीय केही सञ्चारमाध्यमले सार्वजनिक गरेका थिए ।

 

-एजेन्सी 

Advertise Expired !

Leave a Reply

Your email address will not be published. Required fields are marked *

सम्बन्धित शीर्षकहरु