अभिनेत्री कट्रिना र सलमान खानकी आमा सल्माको फोटो सामाजिक सञ्जालमा भाइरल भएको छ । फेटो सेयर गरेको केही समयभित्रै भाइरल भएको थियो । तस्बिरमा कट्रिनाले सेतो रंगको गाउनमा बेहुली बनेर सलमानकी आमालाई अंगालो हालेकी छिन् ।
यो तस्बिर सलमान खानकी बहिनी अर्पिता खानले इन्स्टाग्राममा पोष्ट गरेकी थिइन् । तर, यो फोटो सेयर गरेको केही समयमै उनले डिलिट पनि गरिदिइन् ।
तर, अर्पिताले यो फोटो डिलिट गर्नु अगावै सामाजिक सञ्जालमा भाइरल भइसकेको थियो ।
अर्पिताले यो फोटोे किन डिलिट गरिन भन्ने कारण खुलेको छैन । तर यस फोटोमा कट्रिना र सलमान खानकी आमाबीचको घनिष्ठता भने प्रष्टै देखिएको थियो ।
यसै कारण यस फोटोमा फ्यानहरुले सासुबुहारीबीचको माया भन्दै कमेन्ट गरिदिएका थिए ।
त्यस फोटोबाट कट्रिनाको भारतको लुक लिक हुनसक्ने भन्दै अर्पिताले डिलिट गरेको भन्ने खबरहरु आएका छन् भने अर्कोतर्फ कट्रिना र सलमानकी आमालाई सासु–बुहारी भन्दै कमेन्ट आउन थालेपछि अर्पिताले तस्बिर डिलिट गरेको पनि भन्न थालिएको छ ।
सलमान र कट्रिना एक समयमा गहिरो प्रेममा थिए तर पछि कट्रिनाले रणवीर कपूरका लागि सलमानलाई छोडेकी थिइन् । तर, अहिले फेरि उनी रणवीर कपूरसँग ब्रेकअप गरेर सलमानसँग नजिकिएकी छिन् । सलमान र कट्रिनाबीचको प्रेम सम्बन्ध टुटे पनि यी दुवैबीचको मित्रता भने अझै कायम नै छ ।
सलमान खान र कट्रिना कैफको अब आउने फिल्म ‘भारत’ को माल्टामा गरिने छायाँकन भर्खरै सकिएको छ । यस फिल्ममा अभिनेत्री कट्रिना निकै फरक लुकमा देखिनेछिन् । हालै सलमान खान र कट्रिनाले फिल्मको फष्र्ट लुक सार्वजनिक गरेका थिए ।
‘भारत’ को छायाँकनका लागि माल्टामा गएका सलमान खानका साथ उनकी आमा र बहिनी पनि साथमा गएका थिए । सलमानले आमा तथा बहिनीसँग घुम्दै गरेका फोटोहरु र भिडियो सेयर गरेका थिए । साथै कट्रिनाले सलमानकी बहिनी अलविराका साथमा खिचिएको फोटो सेयर गरेकी थिइन् ।
अलि अब्बास जफ्फर निर्देशित फिल्म ‘भारत’ सन् २०१९ मा प्रदर्शन हुनेछ । फिल्ममा सलमान खान र कट्रिना कैफका साथै अभिनेत्री तब्बु, दिशा पटानी, नोरा फतेही र कमेडियन सुनिल ग्रोवर रहेका छन् ।
-एजेन्सी
