रेनाशा वान्तवा राईले निर्देशिन गरेको चलचित्र ‘इन्टु मिन्टु लन्डनमा’प्रदर्शनको नजिक रहेको । यसै अवसरमा यो चलचित्रको ओएसटी गीत सार्वजनिक गरिएको छ । ‘आई एम इन्टु सि इज मिन्टु’ बोलको गीतमा मुक्य अभिनेता धिरज मगर र अभिनेत्री साम्राज्ञी राज्य लक्ष्मी शाह फिचर्ड छन् ।
केतन क्षेत्री र सुजिल कमार्चायको स्वर रहेको गीतमा सुजिल कमार्चायले शब्द तथा संगीत भरेका छन् भने श्रेया सोताङ्गले पनि गायनमा साथ दिएकी छन् । गीतको कोरियोग्राफी विक्रम लामा र एन्जिला खत्रीले गरेका हुन् ।
यो चलचित्रलाई प्रज्ज्वल समशेर जबरा र प्रभु समशेर जबराले संयूक्त रुपमा निर्माण गरेका हुन् । चलचित्रमा मिरा अर्थात् मिन्टुको भूमिकामा साम्राज्ञी, इशान अर्थात् इन्टुको भूमिकामा धिरज रहेका छन् ।
आईकोर फिल्मस्को व्यानरमा निर्माण भएको चलचित्र इन्टु मिन्टु लन्डनमा का सह-निर्माताहरुमा सुलेखा राई, बसन्त तामाङ र सुष्मिता जिरेल रहेका छन् । त्यस्तै, यसको लेखक तर्फ भने अभिमन्यु दिक्षित र रेनाशा रहेका छन् । आभास कर्माचार्यले संवादको जिम्मे वारी सम्हालेका छन् ।
चलचित्रमा शैलेन्द्र धोज कार्कीको छायांकन रहेको छ भने, टिसूजिल कर्माचार्य, हर्कुलस बस्नेत, स्वप्न सुमन र बसन्त सापकोटाको संगीत सुन्न सकिन्छ ।
प्रज्ज्वल समशेर जबरा र रेनाशाकै कथा रहेको चलचित्र रोमान्टिक लभस्टोरीमा बनेको छ । चलचित्रमा साम्राज्ञी र धिरजसँगै सारुक ताम्राकार, अर्जुन श्रेष्ठ, दिलभुषण पाठक, विजय लामा, रुवी राणालगायत मुख्य भूमिकामा रहेका छन् ।
रिलिव अगाडि देखी नै अभिनेता धिरजको भ्ने खुब चर्चा भइरहेको छ । उनलाई सम्भावना बोकेको अभिनेताको रुपमा अड्कल गर्न थालिएको छ । साम्राज्ञी र धिरजको केमेस्ट्री निकै राम्रो देखिएको कारण पनि चलचित्रको चर्चा निकै राम्रो भइरहेको छ । उता गीतसंगीत र ट्रेलरले चलचित्रको हाइप बनाइसकेको अवस्थामा मेकिङ क्वालिटीले पनि धेरैलाई लोभ्याउन सफल भएको छ ।
यो चलचित्र असोज ५ गतेबाट देशव्यापी प्रदर्शनमा आउँदैछ ।
भिडियो हेर्नुहोस्:
