adv
adv

माङसेबुङमा जारी पवित्रहाङमा कपमा धरान र चतरा अन्तिम चारमा

माङसेबुङ । इलामको माङसेबुङमा जारी पवित्रहाङमा कपको ११ औं संस्करण खेलकुद प्रतियोगितामा आज भएको खेलमा धरान फुटबल क्लब सुनसरी र माउण्ड एभ्रेष्ट स्पोर्टिङ क्लब चतरा सुनसरी विजयी भएको छ । माङसेबुङ गाउँपालिकास्थित आत्मानन्द खेलमैदानमा शुक्रबार सम्पन्न खेलमा विजयीसँगै विजेता टोलीहरु खेलको अन्तिम चारमा प्रबेश गरेका छन् ।खदम स्पोर्टिङ क्लब मोरङलाई ट्राइब्रेकरमा ५–४ गोल अन्तरले पराजित गरेको थियो भने सतिसाले एफ. सी. मोरङलाई २–१ ले हराउदै माउन्ट एभरेष्ट स्पोर्टिङ क्लब चतरा अन्तिम चारमा पुगेको हो ।

निर्धारित समयमा १–१ गोलको बराबरीमा सकिएपछि खेल टाइब्रेकरमा पुगेको हो । खेलमा अग्रता भने धरानकी समिक्षा मगरले तेस्रो मिनेटमा गोल गर्दै धरानलाई अग्रता दिलाएकी थिइन् ।

तर, पहिलो हाफको इन्जुरी समयमा ममता राउतले गोल गर्दै खेल बराबरीमा ल्याएकी थिइन् । दोस्रो हाफमा दुबै टोलीले थप गोल गर्न सकेनन् ।

ट्राइब्रेकरमा अनिता लम्जेलको प्रहार गोल पोष्टमा लागेर बाहिरिएपछि खदम क्वाटरफाइनलबाटै बाहिरिएको हो । खेलको प्लेयर अफ दि म्याच धरानकी समिक्षा घोषित भइन् ।

यसरीनै प्रतियोगिता अन्तर्गत दोस्रो खेलमा सतिसाले एफ. सी. मोरङलाई २–१ ले हराउदै माउन्ट एभरेष्ट स्पोर्टिङ क्लब चतरा अन्तिम चारमा प्रबेश गरेको छ ।
खेलको ५ औं मिनेटमा सतिसालेकी कोपिला लिम्बूले पहिलो गोल गर्दै सतिसालेलाई अग्रता दिलाएपनि माउण्ट एभ्रेष्ट स्पोर्टिङ क्लब चतरा सुनसरीका लागि खेलको १६ औं मिनेटमा पवित्रा राईले गोल गर्दै खेल बराबरीमा ल्याएका थिए ।

मध्यान्तर पश्चात बैकलपिक खेलाडीको रुपमा मैदान प्रबेश गरेकी चतराकि रचना राईले खेलको ६४ औं मिनेटमा गोल गर्दै टिमलाई जित दिलाइन । खेलको प्लेयर अफ दि म्याच चतराकी पवित्रा घोषित भइन् ।

मुहिगुम अङसीमामाङ साँवा पवित्रहाङमा लिङदेन ६५ औं जन्मोत्सव तथा मुहिगुम अङसीमाङ लिङदेन आत्मानन्द ‘सेइङ’ नुमाङगेन्ना सेवा समारोहको अवसरमा आयोजित प्रतियोगिता विहिबारदेखि सुरु भएको हो ।

प्रतियोगिता अन्तरगत शनिबार दुई सेमी फाइनल खेल हुनेछ । पहिलो खेल धरान फुटबल क्लब सुनसरी र रोयल स्र्पोटिङ क्लब दमकबीच प्रतिष्पर्धा हुनेछ भने दोश्रो खेल माउण्ट एभरेष्ट स्पोर्टिङ क्लब चतरा सुनसरी र ए।पि।एस।सी माङसेबुङबीच हुने आयोजक समितिका अध्यक्ष मनकुमार आङबुहाङले जानकारी दिए ।

माङसेबुङ ५ स्थित खेलमैदान

फूटबलको विजेताले नगद १ लाख एक सय ६५ रुपैयाँ र उपविजेता टिमले नगद ५० हजार एक सय ६५ रुपैयाँसहित ट्रफि, मेडल र प्रमाणपत्र पाउनेछन् । त्यस्तै सर्वाधिक गोलकर्ता, उत्कृष्ट खेलाडी, उत्कृष्ट डिफेन्डर र उत्कृष्ट गोलकिपरले जनही तीन हजार एक सय ६५ रुपैयाँ प्राप्त गर्नेछन् ।

आत्मा पवित्र हक्चात यक्चुम माङसेबुङ इलामको आयोजनामा सुरु भएको प्रतियोगितामा इलाम, झापा, मोरङ, सुनसरी र उदयपुर गरी ८ महिला टीमले सहभागीता जनाएका छन् । प्रतियोगितको फाइनल आगामी २ फागुनमा हुनेछ ।

Advertise Expired !

Leave a Reply

Your email address will not be published. Required fields are marked *

सम्बन्धित शीर्षकहरु