कात्तिक १, काठमाडौं । साफ महिला च्याम्पियनसिपको पहिलो खेलमा भारतले सहज जित निकालेको छ । पाँचपल्टको विजेता तथा उपाधिदाबेदार मानिएको भारतले चिरप्रतिद्वन्द्वी पाकिस्तानलाई २ का विरुद्ध ५ गोल गर्दै प्रतियोगिताको सुखद सुरुवात गरेको छ ।
बिहीवार दशरथ रंगशालामा भएको समूह(ए)को खेलमा भारतले पाकिस्तानमाथि पहिलो हाफ मा चार गोल गरेको थियो भने पाकिस्तानले एक गोल फर्काएको थियो । खेलको पाँचौं मिनेटमादाङ्मी ग्रेसको गोलबाट भारतले खेलमा अग्रता लिएको थियो । १७औं मिनेटमा मनिषा कल्याणले गोल गर्दै अग्रता दोब्बर बनाउँदा ३५औंमिनेटमा बालादेवीले तेस्रो गोल गरेकी थिइन् ।
खेलको ४२औं मिनटमा दाङुमी ग्रेसले व्यक्तिगत दोस्रो तथा भारतका लागि चौथो गोल गरिन् । पाकिस्तानले पहिलो हाफको अन्तिमसमयमा पेनाल्टीको अवसर पायो । जसलाई सुहा हिरानीले कुनै गल्ती नगरी गोलमा परिणत गरीन् ।
दोस्रो हाफ शुरु भएको केही मिनेट मै मेरी सिद्दिकीले पाकिस्तानका लागि दोस्रो गोल गर्दै टोलीलाई खेलमा फर्काउने प्रयास गरीन् । तरखेलको ७८औं मिनटमा ज्योति चौहानले पाँचौं गोल गर्दै भारतको जित पक्का गरिन् ।
भारतले समूह चरणको आफ्नो अन्तिम खेलमा २३ अक्टुबरका दिन साबिक विजेता बंगलादेशसँग खेल्नेछ भने २० अक्टुबरका दिनपाकिस्तानले बंगलादेशसँग खेल्नेछ ।