चैत १९, माङसेबुङ । प्रथम तरुण दल गोल्ड कप २०८१ माङसेबुङको दोस्रो दिनको खेलमा माङसेबुङ ४ र पावा एफसि विजयी भएको छ।
मंगलबार भएको पहिलो खेलमा आयोजकसँग १–१ गोलको बराबरी खेलेको माङसेबुङ ४ ले टाइब्रेकरमा ५–४ को जित निकाल्दै दोस्रो चरण प्रवेश गरेको छ ।
त्यसै दोस्रो खेलमा माङमालुङ चापेती एफसि खेल्न नआएसँगै पावा एफसिले नेट बल हानेर दोस्रो चरण पुगेको छ ।
माङसेबुङ–३ चतुरेमा बजारमा रहेको खेल मैदानमा भइरहेको प्रतियोगितामा भेट्रान खेल समेत भएको छ । जस्मा आयोजकले माङसेबुङ ४ लाई शुन्यका विरुद्ध एक गोल गर्दै फाइनल प्रवेश गरेको छ ।
बुधबार पहिलो खेल चुलाचुली एफसि र गैरीगाँउ एफसि बिच खेल हुनेछ भने दोस्रो खेल राइजिङ स्टार एफसि र नेपाल तरुण दल एफसि बिच हुनेछ । भेट्रान तर्फ भने राईजिङ रवि मिक्लाजुङ र देनपा भेट्रान बिच हुनेछ ।
चैत १८ देखि २५ गते सम्म सञ्चालन हुने प्रतियोगिताको विजेताले नगद ६० हजार सहित ट्रफि, मेडल र प्रमाणपत्र प्राप्त गर्ने छन् भने उपविजेताले नगद ४० हजार सहित ट्रफि, मेडल र प्रमाणपत्र पाउने छन् ।
व्यक्तिगत विधातर्फ भने म्यान अफ द म्याच सहित प्लेयर अफ द टुर्नामेन्ट, हाइ स्कोरर, उत्कृष्ट गोल किपर, उत्कृष्ट फरवार्ड, उत्कृष्ट डिफेन्सले आकर्षक पुरस्कार पाउेछन् ।
