चैत २०, फाकफोकथुम । प्रथम राम नवमी कप नक आउट फुटबल प्रतियोगिता २०८१ को दोस्रो दिन युनिटि स्पोर्टिङ क्लब पथरी मोरङ र एपिओ इलाका प्रहरी रवि पाँचथर विजयी भएको छ ।
पहिलो खेलमा माङसेबुङ गाउँपालिकालाई २–० गोल अन्तरले हराउदै पथरी सेमिफाइनल प्रवेश गरेको हो । पथरीको जितमा दिपेश दर्लामी र सौरे राउतबने । खेलको सुरुवाती ४औं मिनेटमा पथरीका कप्तान दिपेशले गोल गर्दै टिमलाई अग्रता दिलाए । खेलको अन्तिम समयमा सौरे राउतलेगोल गर्दै जित सुनिश्चित गरे । खेलको म्यान अफ द म्याच सौरे राउत घोषित भए ।
त्यसैगरी दोस्रो खेलमा एपिओले त्रिवेणी युवा विकास संस्था फाकफोकथुमलाई १–० गोलले हराउदै सेमिफाइनल प्रवेश गरेको छ । खेलको एक मात्र गोल पहिलो हाफको २२औं मिनेटमा सन्त बहादुर राईले हेड मार्फत गरेका थिए। खेलको म्यान अफ द म्याच त्रिवेणीका युनिस मगर भए ।
बिहीबार हुने पहिलो सेमिफाइनल खेल तुम्बेवा गाँउपालिका पाँचथर र युनिटि स्पोर्टिङ क्लब पथरी मोरङ बिच हुनेछ । प्रतियोगितामा भेट्रान खेल समेत रहेको हुँदा बिहीबार मिक्लाजुङ पाँचथर र आयोजक बिच खेल हुनेछ ।
प्रतियोगिताको विजेताले नगद दुई लाख रुपैयाँ सहित ट्रफि प्राप्त गर्ने छन् भने उपविजेताले एक लाख रुपैयाँ सहित ट्रफि पाउनेछन् ।
व्यक्तिगत विधातर्फ भने म्यान अफ द म्याच सहित प्लेयर अफ द टुर्नामेन्ट, हाइ स्कोरर, उत्कृष्ट गोल किपर, उत्कृष्ट फरवार्ड, उत्कृष्ट डिफेन्सले आकर्षक पुरस्कार पाउेछन् ।
चैत १९ गतेबाट सुरु भएको प्रतियोगिताको फाइनल खेल २३ गते हुनेछ ।
