चैत २१, माङसेबुङ । प्रथम तरुण दल गोल्ड कप २०८१ मा तरुण दल देउमाई नगरपालिका र माङसेबुङ ४ विजयी भएसँगै सेमिफाइनल समीकरण पुरा भएको छ ।
माङसेबुङ–३ चतुरेमा बजारमा रहेको खेल मैदानमा बिहीबार भएको पहिलो खेलमा देनपाले पावा एफसिलाई १–० गोल अन्तरले हराउदै सेमिफाइनल प्रवेश गरेको छ ।
त्यसै दोस्रो खेलमा माङसेबुङ ४ ले प्रयास युवा क्लब चिभुवालाई शुन्यका विरुद्ध चार गोल गर्दै सेमिफाइनल पुगेको छ ।
शुक्रबार हुने पहिलो सेमिफाइनल खेल माङसेबुङ ४ र चुलाचुली एफसि बिच हुनेछ छ भने दोस्रो नेपाल तरुण दल देनपा र मान्द्रे एफसिबिच हुनेछ ।
चैत १८ देखि २३ गते सम्म सञ्चालन हुने प्रतियोगिताको विजेताले नगद ६० हजार सहित ट्रफि, मेडल र प्रमाणपत्र प्राप्त गर्ने छन् भने उपविजेताले नगद ४० हजार सहित ट्रफि, मेडल र प्रमाणपत्र पाउनेछन् ।
व्यक्तिगत विधातर्फ भने म्यान अफ द म्याच सहित प्लेयर अफ द टुर्नामेन्ट, हाइ स्कोरर, उत्कृष्ट गोल किपर, उत्कृष्ट फरवार्ड, उत्कृष्ट डिफेन्सले आकर्षक पुरस्कार पाउेछन् ।
