फाकफोकथुम । प्रथम राम नवमी कप नक आउट फुटबल प्रतियोगिता २०८१ मा तुम्बेवा गाउँपालिका पाँचथर फाइनल प्रवेश गरेको छ ।
बिहीबार फाकफोकथुम ५ नवमी बजार स्थित पोखरी खेल मैदानमा भएको पहिलो सेमिफाइनल खेलमा युनिटि स्पोर्टिङ क्लब पथरी मोरङलाई ५–० गोल अन्तरले हराउदै तुम्बेवा फाइनल पुगेको हो । पहिलो हाफको १९औं मिनेटमा निसान राईको गोलबाट अग्रता लिएको थियो । दोस्रो हाफको १७औं मिनेटमा निसानले व्यक्तिगत दोस्रो गोल गर्दै अग्रता दोब्बर बनायो । आक्रामक खेल खेलेको तुमबेवाले दोस्रो गोल गरेको केही क्षणमै उपहार गोल पायो ।
त्यसपछि १९औं मिनेटमा सन्तोष लिम्बूले र २२औं मिनेटमा बिरेन लिम्बूले गोल गर्दै टिमको लागि फराकिलो जित निकाले ।
खेलको म्यान अफ द म्याच तुम्बेवाका निसान राई घोषित भए । शुक्रबार हुने दोस्रो सेमिफाइनल खेल राइजिङ स्टार मिक्लाजुङ पाँचथरर एपिओ प्रहरी रवि मिक्लाजुङ बिच हुनेछ ।
प्रतियोगिताको विजेताले नगद दुई लाख रुपैयाँ सहित ट्रफि प्राप्त गर्ने छन् भने उपविजेताले एक लाख रुपैयाँ सहित ट्रफि पाउनेछन् । व्यक्तिगत विधातर्फ भने म्यान अफ द म्याच सहित प्लेयर अफ द टुर्नामेन्ट, हाइ स्कोरर, उत्कृष्ट गोल किपर, उत्कृष्ट फरवार्ड, उत्कृष्ट डिफेन्सले आकर्षक पुरस्कार पाउेछन् । चैत १९ गतेबाट सुरु भएको प्रतियोगिताको फाइनल खेल २३ गते हुनेछ ।
