शिवसताक्षी । शिवसताक्षी मेयर कप २०८१ को क्रिकेट तर्फको अन्तिम सेमिफाइनल खेलमा वडा ४ लाइ ४ विकेटले पराजित गर्दै वडा ९ फाइनल प्रवेश गरेको छ ।
बुधबार भएको खेलमा टस जितेर ब्याटिङ रोजेको थियो वडा ४ ले निर्धारित १५ ओभरमा ५ विकेटको क्षतिमा १२१ रन बनाएर अल आउट भयो ।
१२२ रनको तार्गेटका साथ जवाफी ब्यटिङमा उत्रिएको वडा ९ ले ६ विकेटको क्षतिमा १३.१ ओभरमा १२३ रन बनाउदै निर्धारित लक्ष्य भेट्टायो । उपाधिका लागि वडा ९ ले वडा ११ को सामना गर्ने छ ।
खेलको म्यान अफ दि म्याच ९ का मनिस रिजाल घोषित भए । उनले २२ बलमा ३४ रन बनाएर महत्वपूर्ण २ विकेट लिएका थिए ।
विजेताले नगद ३५ हजार रुपैयाँ र उपविजेताले २५ हजार नगद सहित ट्रफी र प्रमाण पत्र पाउनेछन् । व्यक्तिगत विधातर्फ प्लेयर अफ दीसिरिज छ हजार, राइजिङ प्लेयर चार हजार, साथै हाइएस रन, बेष्ट विकेट किपर, बेष्ट फिल्डिङ, बेष्ट बलर, बेष्ट ब्याट्स म्यान तीनहजार ५ सय रहेको छ ।
चैत २१ गतेबाट सुरु भएको प्रतियोगिताको फाइनल चैत २८ गते बिहीबार हुनेछ । प्रतियोगिताको समापन समारोहमा प्रतिनिधि सभासदस्य एलपि सावाँ लिम्बु प्रमुख अतिथिको रुपमा सहभागी हुने नगर खेलकुद समितिका अध्यक्ष सुरज रिङ्गालुङ राईले जानकारी दिए।
