दमक । झापाको दमकमा हुन गइरहेको दोस्रो भिसि ब्रदर्स सेमि भेट्रान्स फुटसल प्रतियोगिता २०८२ को टाइसिट सार्वजनिक भएको छ । आयोजक समितिले टाइसिट सार्वजनिक गर्दै १८ टिमको सहभागिता रहने जानकारी दिएको हो । जस अन्तर्गत उद्घाटन खेल आयोजक भिसि ब्रोदर्स‘बी‘ र एमपिसि लेडेण्डबिच हुनेछ ।
प्रतियोगिता दमकका स्थानीय खेलकुद प्रेमी तथा सामाजिक युवाहरुको समूह भिसि ब्रदर्स एफसिको आयोजनामा हुन लागेको हो ।
दमक ५ गोर्खाली टोलमा रहेको विष्ट फुटसल कोर्टमा हुने प्रतियोगिता जेठ २ र ३ गते दुइ दिन सञ्चालन हुनेछ । प्रतियोगिताको विजेताले नगद ७० हजार रुपैयाँ र उपविजेताले नगद ३० हजार रुपैयाँ नगद सहित ट्रफि, मेडल र प्रमाणपत्र प्राप्त गर्नेछ ।
प्रतियोगितामा व्यक्तिगत विधातर्फ उत्कृष्ट खेलाडी, उत्कृष्ट गोलकिपर र हाई स्कोररको उपाधि रहेको छ ।
प्रदेश भरिका खेलाडीहरुले सहभागी हुन सक्ने प्रतियोगिताको इन्ट्रि फि छ हजार ५ सय रहेको छ ।
पहिलो संस्करणको विजेता ब्रिगेड ब्वाइज एफसि रहेको थियो भने उपविजेता दमक क्रिश्चियन युनाइटेड रहेको थियो ।
