माङसेबुङ । इलामको माङसेबुङ–६ मा टोल स्तरीय प्रतियोगिताको दोस्रो दिनको पहिलो खेल पुरुष फुटबल तर्फ बाँझो ३(ए) विजयीभएको छ । साबिक वडाहरुलाई मिलाएर बनाइएको टोल स्तरीय प्रतियोगिता पहिलो खेलमा बाँझो ३(ए) ले बाँझो ४(ए) लाई ३–० गोलअन्तरले पराजित गर्दै दोस्रो चरण प्रवेश गरेको छ ।
पुरुष टिम बाँझो ३(ए)
बिहीबार नै भएको दोस्रो खेलमा बाँझो ३(बी) ले बाँझो ६(बी) लाई १–० गोलले हराउदै जीत दर्ता गरेको छ ।
दोस्रो दिनको तेस्रो खेल महिला फुटबल तर्फ बाँझो ६ लाई शून्यका विरुद्ध एक गोल गर्दै बाँझो ३ फाइनल प्रवेश गरेको छ ।
यसैगरी चौथो खेल पुरुष भेट्रान तर्फको भएको थियो । भेट्रान खेलमा बाँझो ६ ले बाँझो ३ लाई १–० गोलले पराजित गर्दै फाइनल प्रवेशगरेको थियो भने बाँझो ५ ले बाँझो ४ लाई २–० गोल अन्तरले पराजित गर्दै फाइनल भिडन्त पक्का गरेको थियो ।
महिला टिम बाँझो ३
प्रतियोगितामा महिला तथा पुरुष फुटबल सहित भेट्रान्स फुटबल र ३० वर्ष माथिका महिलाहरुको लागि लुङ्गी फुटबल खेल सहित चारविधामा खेलहरु भइरहेको छ ।
माङसेबुङ ६ स्थित हस्टेमा रहेको पारुहाङ खेल मैदानमा सञ्चालित प्रतियोगिता माङसेबुङ ६ को सहयोग तथा माङसेबुङ ६ टोल स्तरीययुवा तथा खेलकुद समितिको आयोजनामा भइरहेको छ ।
पुरुष टिम बाँझो ३ (बी)
प्रतियोगिताको महिला तथा पुरुष फुटबलको विजेताले १५ हजार र उपविजेताले १० हजार नगद सहित ट्रफि प्राप्त गर्नेछन् भने भेट्रान्सतर्फ विजेताको १० हजार र उपविजेताको ५ हजार नगद सहित उपाधि पाउनेछन् । त्यसैगरी लुङगी तर्फको विजेता र उपविजेताकोपुरस्कार क्रमशः ५ हजार र २ हजार ५ सय रुपैयाँ सहित ट्रफि रहेको छ ।
पुरुष भेट्रान टिम बाँझो ५
