माङसेबुङ । इलामको माङसेबुङ गाउँपालिका वडा नं. ४ मा आजबाट महिला उद्घोषण तालिम सुरु भएको छ । वडा कार्यलयको सभाहलमा सञ्चालित तालिम माङसेबुङ ४ को आर्थिक सहयोग र माङ्गेना पब्लिकेशन एण्ड मिडिया प्रा.लि.को आयोजनामा भएको हो ।
उद्घाटन समारोहका प्रमुख अतिथि माङसेबुङ ४ का वडाअध्यक्ष नविन लिम्बुले यस तालिमले महिलाहरुको क्षमता विकासमा महत्वपूर्ण भूमिका खेल्ने विश्वास व्यक्त गरे । उनले आफु वडाअध्यक्ष निर्वाचित भएदेखी नै महिलाहरुको क्षमता विकास र सिप विकासका कार्यक्रमहरु निरन्तर रुपमा सञ्चालन गरिरहेको बताए ।
महिला लक्षित कार्यक्रम अन्तर्गत असार ११ गते देखि असार १३ गते सम्म सञ्चालन हुने तालिममा ३० जनाको सहभागिता रहेको छ ।
तालिमको पहिलो दिन सहजकर्ता नितेस राईले उद्घोषणको अर्थ, उद्घोषण तालिमको आवश्यकता र औचित्यको बारेमा सहजिकरण गरेका थिए ।
तालिम संयोजक मधुराम विश्वका अनुसार तालिमको दोस्रो दिन प्रशिक्षक भूमिका फियाक सुब्बाले प्रशिक्षण प्रदान गर्ने तालिका रहेको छ । सुब्बाले औपचारीक तथा अनौपचारीक कार्यक्रम, स्टेज कार्यक्रमको विषयमा प्रशिक्षण गर्ने छन् ।
त्यसैगरि तेस्रो दिनको प्रशिक्षण राम योङहाङले गर्नेछन् ।योङहाङले ग्रामिण भेगका महिलाहरुलाई उद्घोषण तालिमको आवश्यकता र यसको उपयोगिताको बारेमा प्रशिक्षण प्रदान गर्ने कार्यक्रम रहेको छ ।
