२५ बैशाख, काठमाडौं ।
आउँदो आर्थिक वर्ष २०७९/०८० को बजेट ल्याउने तयारीमा जुटेको सरकारले सोही विषयमा छलफल गर्न आगाी जेठ ३ गते संसद् बैठक ढाक्ने भएको छ ।
आइतबार बसेको मन्त्रिपरिषद् बैठकले आगामी जेठ ३ गते संघीय संसदको बैठक आह्वान गर्न राष्ट्रपति विद्यादेवी भण्डारीसमक्ष सिफारिस गरेको हो ।
बैठकले जेठ ३ गते दिउँसो ४ बजे संसद्को बैठक बोलाउन राष्ट्रपतिसमक्ष सिफारिस गरेको सरकारी स्रोतले जनाएको छ ।
संवैधानिक प्रावधानअनुसार जेठ १५ गते अनिवार्य ल्याउनै पर्ने बजेका विषयमा आवश्यक छलफल गर्न संसद् बैठक ढाक्न लागिएको हो ।
सरकारले बजेट ल्याउनु अघि बजेटमाथि छलफल र नीति तथा कार्यक्रम प्रस्तुत गर्ने प्रचलन छ ।
अर्थमन्त्री जनार्दन शर्माले बजेटको प्राथमिकताका विषय सदनसमक्ष पेश गर्नेछन् । त्यसपछि प्रिबजेट छलफल हुनेछ र अर्थमन्त्रीले जवाफ दिएपछि राष्ट्रपति विद्यादेवी भण्डारीले नीति तथा कार्यक्रम प्रस्तुत गर्ने तयारी रहेको जनाइएको छ ।
