adv

मध्यान्हसम्ममा ३५ प्रतिशत मतदान : निर्वाचन आयोग

३० वैशाख, दमक ।

इलामको फाकफोकथुप गाउँपालिका वडा नम्बर ५ स्थित जलपादेवी माविमा मध्यान्हको समयमा जारी मतदान । तस्वीर : भूमिका फियाक ।

आज जारी स्थानीय तह निर्वाचनको मतदान कार्य उत्साहजनक रूपमा चलिरहेको निर्वाचन आयोगले जानकारी दिएको छ ।

आयोगका अनुसार देशैभरका ७ सय ५३ वटै स्थानीय तहअन्तर्गत विभिन्न मतदान केन्द्रहरुमा मतदान गर्न आउनेको संख्या उल्लेख्य रहेको छ ।

मध्यान्ह १२ बजेसम्ममा देशैभर ३५ प्रतिशत भन्दा बढी मतदान भइसकेको आयोगले पुष्टि गरेको हो । मतदानका लागि शुक्रबार अपरान्ह ५ बजेसम्मको समय सीमा तोकिएको छ ।

छिटफुट घटना बाहेक सबैतिर शान्तिपूर्ण मतदान भइरहेको आयोगको भनाइ छ ।

आयोगका प्रवक्ता शालिग्राम शर्मा पौडेलका अनुसार दोलखा, सर्लाही, सप्तरी, रामेछाप, पर्वत, हुम्ला र बाजुराका केही स्थानमा भने सामान्य विवादका कारण मतदान कार्य अवरुद्ध भएको छ । ती स्थानमा पनि छिट्टै मतदान सुरु हुने प्रवक्ता पौडेलले बताएका छन् ।

मतदाता बोकेको जिप दुर्घटना हुँदा १३ जनाको मृत्यु

यसैबीच स्याङ्जाको वालिङ नगरपालिका–४ पञ्चमूल अर्खलबासमा मतदाता बोकेर मतदान केन्द्रतर्फ जाँदै गरेको जिप दुर्घटना हुँदा १३ जनाको मृत्यु भएको छ । दुर्घटनामा परि थप १२ जना घाइते भएका छन् ।

पञ्चमूल अर्खलबासको भित्री सडक खण्डमा सिख्रेबाट तिवारी पसलतर्फ जाँदै गरेको ग २ च ३०२६ नम्बरको जिप सडकबाट ५ सय मिटर तल खसेको जिल्ला प्रहरी कार्यालय स्याङ्जाले जनाएको छ ।

दुर्घटनामा मृत्यु भएका ११ जनाको सनाखत नभइसकेको स्याङ्जाका प्रहरी नायब उपरीक्षक रवीन्द्र खनालले जानकारी दिए ।

घाइते ११ जनालाई उपचारका लागि पोराको गण्डकी मेडिकल कलेज पठाइएको र १ जनाको प्राथमिक स्वास्थ्य केन्द्र वालिङमा उपचार भइरहेको प्रहरीको भनाइ छ ।

 

Advertise Expired !

Leave a Reply

Your email address will not be published.

सम्बन्धित शीर्षकहरु